По добрите игри на кадетскиот Мундијал, Калајџиески потпиша за Еурофарм Пелистер 2
Ракометниот клуб Еурофарм Пелистер 2 продолжува со екипирање за натпреварувачката сезона 2023/24. Нов член на битолскиот клуб е македонскиот кадетскиот репрезентативец Мирче Калајџиески.
Се работи за 19-годишен среден бек, роден во Струга, кој во Еурофарм Пелистер 2 доаѓа од словенечкиот клуб Слован Гросист.
Се работи за ракометар со огромен простор за напредок, висок 180 сантиметри, а тежок 80 килограми.
Калајџиески, кој ќе има што да каже и во Суперлигата, официјално потпиша договор на четири години со РК Еурофарм Пелистер 2.
Изминатиот период со нашата кадетска репрезентација настапуваше на Светското првенство во Црна Гора каде што беше освоено одличното деветто место и воедно беше меѓу поефикасните стрелци во натпреварите постигнувајќи 39 голови.
