Во последното коло од регуларниот дел во Серија В, екипата на Салернитана со победата над Пескара на гости обезбеди пласман во најсилната италијанска лига. Со трите бодови од Пескара, екипата на Салернитана го зацементира второто место на табелата и заедно со Емполи обезбедија директен пласман во Серија А, додека третиот патник ќе биде познат по одигрувањето на своевидниот плеј-оф.

Ова за Салернитана ќе биде трет пласман во Серија А во 102 годишната историја и прв по сезоната 1998/99 кога испаднаа од истата. Претходно клубот неколку пати го менуваше името поради финансиските проблеми, но секогаш името беше поврзано за градот од кој доаѓа – Салерно.
Дресот на Салернитана во историјата го носеле поголем број на познати италијански репрезентативци како Валтер Зенга, Џенаро Гатузо, Марко ди Вајо, Давид ди Микеле….

⚽️ #Salernitana is back in #SerieA for the first time since 1999. The club is currently controlled by Claudio #Lotito, already owner of #Lazio. As multi-club ownership within the same division is prohibited in Italy, a takeover is required before the start of next season 🇮🇹 pic.twitter.com/bhEaNbx8nq

— CIES Sports Intelligence (@CIESsportsintel) May 10, 2021

Сепак иако обезбеди пласман во Серија А, Салернитана може да остане без настап во истата поради сопственикок. Имено, сопственик на Салернитана е Клаудио Лотито кој е газда и на Лацио, но италијанските закони забрануваат еден човек да контролира два клуба во ист момент во ист ранг на натпреварување.
Очекувано, бидејќи апсолутен приоритет на Лотито е Лацио, за очекување е ова лето да најде купувач за Салернитана за да може екипата да игра во Серија А.