Писонеро раскрсти со Вардар, се врати во Ваљадолид
Давид Писонеро се врати во Шпанија каде седна на клупата на тимот кој го предводеше пред да пристигне во Скопје.
Шпанескиот стратег Давид Писонеро и дефинитивно ја заврши авантурата во европскиот шампион Вардар и се врати во добро позната средина, во екипата на Ваљадолид.
ÚLTIMA HORA | David Pisonero vuelve a ser el entrenador del @atlvalladolid y firma hasta final de temporada. pic.twitter.com/nma6Y2cJIK
— Balonmano Actual (@BalonmaActual) January 7, 2020
Писонеро на почетокот од сезоната беше назначен за прв тренер на Вардар со што се продолжи праксата „црвено-црните“ да ги предводи Шпанец (Раул Гарсија, Роберто Парондо) во по убедливиот пораз од Кил на домашен терен, тој беше сменет.
На негово место дојде директорот на Вардар, Едуард Кокшаров кој се покажа како тотално промашување, додека Писонеро беше поставен за негов асистент.
Дека челниците на Вардар направија грешка со смената на Писонеро, самите си признаа откако Шпанецот минатата недела откри дека добил понуда повторно да седне на клупата на „црвено-црните“.