Пикси после жрепката за ЕП: Нема да се плашиме од Англичаните, фудбалот се игра „11 на 11“
Селекторот на фудбалската репрезентација на Србија, Драган Стојковиќ Пикси со коментар за ривалите на Европското првенство 2024.
Со жрепката Србите се најдоа во групата „Ц“ заедно со селекциите на Англија, Данска и Словенија.
– Можевме да бидеме само во групите „А“, „Б“ или „Ц“. Мораме против сите да играме, нема што. Целта е секако да бидеме што подобри и да бидеме на едно од првите две места за да ја поминеме групата. Имаме балканско дерби со Словенците, Данска е многу незгодна против која имавме пријателска, една многу добра и компактна репрезентација – вели Пикси.
Српскиот селектор вели дека неговите фудбалери не треба да се плашат од фаворитот во групата, Англија:
– Англичаните се една од најсилните селекции во Европа, ќе биде интересно. Нема да се плашиме од Англичаните. Фудбалот се игра „11 на 11“. Ќе биде добар натпревар. Има многу време за анализирање, гледање, планирање, подготовки, за да можеме да бидеме најдобри кога е најважно. Европското првенство е голем предизвик, ќе биде тешко. Ќе го дадеме максимумот да направиме чекор напред, а за тоа ни е потребно да освоиме што повеќе бодови за пласман во следниот круг – се зборовите на Стојковиќ.
