Студиото „Paramount Pictures“ го објави датумот за излегување на новиот „Врисок“, популарниот хорор филм во неколку продолженија кој датира од 90-тите години од минатиот век.

Уште неименуваното продолжение на „Врисок“ светлото на денот ќе го здогледа на 14 јануари 2022 година.

Засега е потврдено дека во петтиот дел ќе се појават два члена од оригиналната постава, Кортни Кокс и Дејвид Аркет, кои ќе ги репризираат улогите на Гејл Ведерс, односно Деви Рајли.

Се шпекулира дека на екипата ќе и се придружи и првата ѕвезда од фаншизата, Нив Кембел во улогата на Сидни Прескот, nо тоа се уште не е официјално.

Првиот „Врисок“ излезе во 1996 година, а го режираше починатиот Вес Крејвен.

Филмот со скромен буџет од 14 милиони долари ширум светот заработи 173 милиони.