Макс Верстапен влезе во трката во Лас Вегас соочен со можна елиминација во шампионатот на возачи, но излезе со обновени надежи за освојување на петта титула по ред, откако стјуардите ги дисквалификуваа двата болида на Мекларен поради технички недоследности.

По Големата награда на Холандија во август Верстапен заостануваше дури 104 поени зад тогашниот лидер во шампионатот Оскар Пјастри. Сега возачот на Ред бул е изедначен со Австралијанецот во табелата и е само 24 поени зад водечкиот Ландо Норис.

Норис се уште е голем фаворит. Возачот на Мекларен треба да ги надмине Пјастри и Верстапен за само два поени на претстојната Голема награда на Катар за да ја запечати титулата. Сепак, Верстапен „намириса крв“ и се очекуваат возбудливи завршни две трки, Катар и Абу Даби.

Подолу се дадени неколку сценарија во кои Верстапен би можел да биде крунисан за светски шампион.

Max was unstoppable in Vegas! ⏱️💨

The Red Bull driver took his third @DHL_Motorsports Fastest Lap of the 2025 season 👉 https://t.co/sOAsD9IxzG#F1 #LasVegasGP #MomentsThatDeliver pic.twitter.com/ERb5QBGpIH

— Formula 1 (@F1) November 23, 2025

Сценарио 1 – Верстапен победува на последните две трки и на спринтот, додека Норис се пласира на второто и шестото место во трките и втор во спринтот.

Сценарио 2 – Верстапен победува на последните две трки и спринтот, додека Норис завршува трет и четврти во трките и втор во спринтот. Верстапен би победил затоа што има повеќе победи (8) од Норис (7).

Сценарио 3 – Верстапен победува на последните две трки и спринтот, додека Норис се пласира на второ и петто место во трките и трет во спринтот. Верстапен би победил затоа што има повеќе победи (8) од Норис (7).

Сценарио 4 – Верстапен победува на последните две трки и спринтот, додека Норис освојува нула поени во најмалку уште една трка.

Сценарио 5 – Верстапен победува на последните две трки, додека Норис го победува спринтот и завршува втор и седми во трките.

Мекларен им се извини на Норис и Пјастри за дисквалификацијата: Ова е разочарувачки…