Пет работи кои мажот ги забележува прво кај жената
Заборавете на нелакираните нокти, фризурата, депилациите, солариумите… Мажите се многу поедноставни, па некои работи воопшто и не ги забележуваат, се вели во истражувањето спроведено од списанието „Менс хелт“.
Истото истражување вели дека жената за првиот состанок троши и до шест часа на подготвување. Но, мажите забележуваат сосема други работи на неа, а на листата на нештата кои најчесто се повторувале во одговорите првото место го има самодовербата.
Најдобар дел од мажите сметале дека ништо не е толку секси кај жената од тоа таа да се чувствува сигурна во себе.
Второто место припаѓа на движењата. И тоа на женствените движења кои, според истражувањето, провоцираат и возбудуваат. Потоа следува изразот на лицето. Односно, страста која се гледа од лицето.
На четврто место се облините, заводливата силуета украсена со женствен стомак, задник и гради.
Миризбата е на петтото место. Секој има своја специфична миризба на кожата. Тука не станува збор за парфемот туку за природниот мирис на кожата, се вели во истражувањето.