На денот кога беше официјализирано заминувањето на Доминик Тајник од следната сезона, Еyрофарм Пелистер не чекаше долго за одговор, битолскиот клуб објави ново засилување на позицијата кружен напаѓач, на местото на Мохамед Калед Валид.

Нов член на „зелено-белите“ е 27-годишниот хрватски пивот Никола Граховац, кој во Битола пристигнува од германскиот состав Вецлар. Со висина од 201 сантиметар и богато интернационално искуство, Граховац веднаш ќе му се стави на располагање на тренерот Стевче Алушовски уште веднаш.

Покрај настапите во германското првенство, новото име во редовите на Пелистер во кариерата ги носеше и дресовите на Загреб и Веспрем, што доволно говори за неговото искуство на највисоко ниво. Со битолчани потпиша договор до крајот на наредната сезона, со опција соработката да биде продолжена за уште една година.

Граховац има и репрезентативно искуство, настапувајќи за Хрватска на Европското првенство 2022 и на Олимписките игри 2024, а претходно беше дел и од младинските селекции.

Слован Братислава „украде“ еден од најважните ракометари на Пелистер