Патниците од Брисел нетрпеливо чекаат на скопскиот аеродром (ВИДЕО)
Министерот за здравство Венко Филипче на прес-конференцијата истакна дека дел од патниците имаат симптоми на корона вирусот, поради што истите ќе бидат тестирани и префрлени на Инфективната клиника.
Новинарот на ТВ Клан, Фуркан Салиу сподели видео директно од аеродромот во Скопје, на кое може да се видат патниците од авионот, кој попладнево слета на скопскиот аеродром од Брисел, како нетрпеливо чекаат да заминат во своите домови.
Министерот за здравство Венко Филипче на прес-конференцијата истакна дека дел од патниците имаат симптоми на корона вирусот, поради што истите ќе бидат тестирани и префрлени на Инфективната клиника, а другите ќе ги чекаат резултатите на аеродромот додека бидат готови резултатите на лицата со симптоми.
-Патниците кои пристигнаа вечерва од Брисел идат во карантин. Моментално се блокирани во Скопскиот аеродром и чекаат тестирање. Тоалетите на аеродромот немаат сапун. Патниците потпишуваат изјава со која се обврзуваат да седат 14 дена во карантин- напиша Салиу на својот Твитер профил.
✈
Патниците кои пристигнаа вечерва од Брисел идат во карантин
Моментално се блокирани во Скопскиот аеродром и чекаат тестирање
Тоалетите на аеродромот немаат сапун
Патниците потпишуваат изјава со која се обврзуваат да седат 14 дена во карантин pic.twitter.com/omHyhvyFNI— FurKlan (@FurkanSaliu) March 17, 2020