Кошаркарскиот клуб Партизан се огласи со официјално соопштение по тепачката која се случила во раните утрински часови во близина на еден белградски ноќен клуб, потврдувајќи дека три нивни кошаркари биле вклучени во инцидентот, а не четворица како што првично се шпекулираше.

„КК Партизан потврдува дека тројца играчи на црно-белите се нашле синоќа во центарот на инцидент кој се случил недалеку од познат белградски ноќен клуб. Според информациите добиени од самите играчи, тие биле навредувани на расна основа од страна на група момчиња, додека девојките кои биле во нивно друштво биле нарекувани со навредливи зборови само затоа што се наоѓале во друштво со луѓе со темна кожа. Кога сите мислеа дека инцидентот е завршен со вербална расправија, истата група момчиња ги причекала кошаркарите пред клубот и физички ги нападнала. Играчите им возвратиле на нападот. По повик од надлежните органи, кошаркарите на Партизан ќе дадат изјави. Сите интерни прашања ќе бидат решени согласно актите на клубот,“ стои во соопштението.

На социјалните мрежи се појави и видеоснимка од инцидентот на која, според тврдењата на очевидците и повредените, се гледа како кошаркарот на Партизан и репрезентативец на Јужен Судан, Карлик Џонс удира човек со шише по глава, по што повредениот паѓа на земја, а Џонс фрла кон него со дел од скршеното шише.

ВИДЕО: Кошаркари на Партизан во општа тепачка пред ноќен клуб во Белград