Oд редовите на Партизан го потврдија ангажманот на Ник Кaлатес кој пристигнува како големо засилување за „црно-белите“.

36-годишниот Калатес не запиша ниту една минута во Евролигата оваа сезона со Монако, па неговото заминување беше очекувано. Грчкиот плејмејкер претходно не беше повикан од селекторот Василис Спанулис на Евробаскетот и беше исклучен од клубот, што го направи трансферот во Партизан логичен потег.

Партизан го гледа Калатес како замена за Карлик Џонс, кој ќе биде отсутен до февруари. Калатес веќе има соработка со Жељко Обрадовиќ од времето кога го водеше Панатинаикос и во текот на кариерата настапувал за неколку големи европски клубови, меѓу кои АЕК Атина, Барселона, Фенербахче и Монако.

Исто така, Калатес играше и во НБА за Мемфис во периодот 2013–2015 година.

Дебито на грчкиот кошаркар се очекува в петок кога Партизан во Евролигата ќе се соочи со Барселона.

Преземено од: Спорт.ком.мк