Бендот „Wild Youth“ е избран да го носи ирското знаме на музички натпревар во мај во Ливерпул. Тие во првата полуфинална вечер ќе ги одмерат силите со претставници на 14 земји, а 10-те најуспешни ќе се пласираат во финалето.

Џон Лајдон, поранешниот фронтмен на групата „Sex Pistols“, не успеа да победи на натпреварот за претставување на Република Ирска на овогодинешната Евровизија.

67-годишникот се надевал дека песната „Хаваи“, за неговата сопруга Нора, која боледува од Алцхајмер, може да победи и да го „привлече вниманието“ на оваа болест.

Иако претставниците на Ирска седум пати ја освоија Евровизија, од 2013 година немаа среќа и само двапати се пласираа во големото финале.

Во изјавата по прогласувањето на победникот, пејачот на групата „Wild Youth“ рече:

„Се тресам, се надевам дека ќе бидеме што е можно подобри“.

Групата претходно имаше турнеја со Луис Капалди, Ниал Хоран и Скрипт и се верува дека е следниот голем бенд кој ќе се пробие од Ирска по неколку години.

Победникот беше избран од ТВ гледачите, како и од национално и меѓународно жири составено од музички експерти.

На крајот за резултатот одлучуваше гласањето на публиката, а „Wild Youth“ беше во тесна битка со уште еден изведувач, откако и двајцата имаа поддршка од судиите.

Повторно фаворит: Украина е прва на листата во обложувалниците за победа на Евровизија

ФОТО | Објавен слоганот и логото на овогодишената Евровизија

ВИДЕО | „Мамим“: Тијана Дапчевиќ повторно ќе си ја проба среќата на српската Евровизија