Пандевци и фудбалерите на Борец се тестираа на коронавирус
Екипите на Академија Пандев и на Борец пред почетокот на враќањето на тренинзите, денеска се тестираа на ковид-19.
Во организација на Синдикатот на фудбалери на Македонија кој ги обезбеди тестовите, двете екипи беа тесирани во болницата Аџибадем Систина.
„Денес во организација на СФМ и Аџибадем Систина продолжи тестирањето на прволигашките екипи на КОВИД 19.
Мобилна екипа од Аџибадем Систина беше во посета на Фк Академија Пандев и Фк Борец и направени се тестови на сите играчи,стручните штабови и луѓето кои што работат во овие клубови“, објави Синдикатот на фудбалери.
Ова значи дека и двете екипи од попладне ќе започнат со тренинзите во пресрет на продолжувањето на сезоната во првата лига, а првото коло треба да се игра кон средината на идниот месец.