Пандев: Не ни требаат плукачи на трибините, туку вистински навивачи кои веруваат во нас – Слободен печат
СпортФудбал

Пандев: Не ни требаат плукачи на трибините, туку вистински навивачи кои веруваат во нас

Капитенот на фудбалската репрезентација на Македонија со порака до навивачите.

Македонската фудбалска репрезентација утревечер (20.45 ч.) на Националната Арена „Тодор Проески“ ја пречекува Словенија во рамките на квалификациите за ЕП 2020 година.

Атмосферата во таборот на „рисовите“ е на највисоко ниво иако на утрешниот натпревар нема да настапат неколку стандардни фудбалери. Селекторот Игор Ангеловски не е загрижен од добрата форма на противникот кој победи на последните три натпревари, бидејќи и „црвено-жолтите“ имаат добра серија но и тоа што е поважно, имаат и игра за да победат Словенија.

– Не знам што размислуваат и како размислуваат Словенците, ниту ме интересира такво нешто. Ме интересира како ние ќе играме, а јас ветувам дека ќе изгинеме за победа. Ветувам дека ќе се бориме за секоја педа на теренот и за секоја топка. Подготвени ја чекаме Словенија и сето тоа со цел да стигнеме до таа посакувана победа.

Ние и Словенија не сме нешто многу различни од натпреварот во Љубљана. Нормално едно е кога доаѓаш после три победи со голема самодоверба, ама и Македонија има самодоверба, играме одлично во серија. Очекувам дуел на две селекции кои добро се познаваат и слично ќе изгледаат на теренот. Нормално ќе има некои изненадувања од моја страна и од страна на селекторот Кек, но очекувам дуел на слични репрезентации од првиот натпревар – вели Ангеловски.

Капитенот на репрезентацијата, Горан Пандев упати директна порака до навивачите, тој и останатите репрезентативци очекуваат вистински навивачи кои ја сакаат Македонија и кога победува и кога губи, а не плукачи.

– Желно го очекуваме овој натпревар. Слушам дека Словенците атакуваат на второто место во групата, не гледам зошто и ние да не атакуваме на второто место бидејќи тие не се подобри од нас. Не гледам каде и во кој дел Словенија е подобра од нас. Затоа со нетрпение го чекаме мечот, и со огромна мотивација ќе одиме на победа. Утре ни треба поддршка на стадион само од оние навивачи кои се позитивни и кои веруваат во оваа репрезентација. Не ни требаат негативци, затоа не е важно дали ќе се 15.000 или 30.000, но единствено оние кои вистински веруваат во нас и ќе ни дадат безрезервна поддршка – порачува капитенот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Еден коментар

  1. Abre Pandev vie ste edinstvenata selekcija sto od nezavisnosta pa se do denes ne ste ne izradvale ama bas so nisto!!!Pa duri I odbojkarskata selekcija dojde da igra na evropsko prvenstvo,nesto so neznaev deka I postoj vo Makedonija!!A za da bidi ironijata pogolema vo vas kako reprezentacija najmnogu se vlozi do sega,vi napravija najubav stadion na Balkanot,vie ste edinstvenata selekcija sto ima so ima svoja kukja na fudbalot dodeka drugite selekci imat sedista zakupeno vamu tamu bez nikakvi uslovi I pak nemate nikakvi rezultati,so razlika na nekoj momentalen ishod!!Pa kako e to fer za kosarkarskata,rakometnata,odbojkarkarskata,pa I vaterpolo selekcijata mislam deka vo eden period imase plasman na evropsko prvenstvoto,da imat 10 pati polosi uslovi za rabota od vas fudbalerite a da imat 10 pati pogolemi uspesi od vas???!!!!Oti ne dajs odgovor na to,prasanje ,a si se fatil ovaj ni sviri ovaj ne pluka?!Pa tebe vo Genova ako si sekoja godina posleden ili pretposleden so ke ti prat navivacite,ke te nagradat so cvekina ili so svirezi I sto li sve drugo ne??!!!

Напишете коментар

Вашата адреса за е-пошта нема да биде објавена. Задолжителните полиња се означени со *

Close