Пандемија на ментални нарушувања: По едно самоубиство на деца и млади луѓе на секои 11 минути

Депресија кај младите
Млади илустрација / Фото: EPA-EFE/MARCO DE SWART

Бројките се повеќе од алармантни, вели Зеинаб Хијази, коавторка на студија за младите и суицидот.

Според студијата на УНИЦЕФ, секое седмо дете и адолесцент на возраст од 10 до 19 години во светот живее со дијагностицирано ментално нарушување. Тоа вклучува проблеми во однесувањето, вознемиреност и депресија, од кои некои се толку сериозни што погодените креваат раце на себе. Тоа значи дека еден млад човек се самоубива на секои единаесет минути, вели експертот за ментално здравје на УНИЦЕФ, Зеинаб Хијази:

– Речиси 46 000 млади луѓе си го одземаат животот секоја година. Самоубиството е една од петте најчести причини за смрт кај групата од 15 до 19 години. Младите луѓе повеќе умираат само од сообраќајни несреќи, туберкулоза или насилство.

Во истражувањето спроведено во 21 земја, секој петти млад маж или девојка на возраст од 15 до 24 години, велат тие, честопати се чувствува депресивно. Во Германија, ова го изјавил секој четврти испитаник. Последиците од пандемијата на коронавирус очигледно се врвот на ледениот брег што постоел порано, предупредува извршната директорка на УНИЦЕФ, Хенриет Форе.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот