Палермо во Серија Д, Несторовски и Трајковски слободни играчи
Според досегашните најави наредниот период се очекува Несторовски да потпише за Удинезе и воедно се врати во најсилната италијанска фудбалска лига.
Трајковски кој исто така ги бранеше боите на Палермо, се поврзуваше со трансфер во неколку клубови, меѓу нив Спортинг Лисабон, Салернитана, а понуда пристигна дури и од Милан.
Dario Mirri “feels the responsibility of a mission” to lead #Palermo back to #SerieA after bankruptcy, as he begins again in Serie D https://t.co/cSE8m6Frgx #Calcio pic.twitter.com/06BbvfLm3b
— footballitalia (@footballitalia) July 24, 2019
Фудбалската федерација на Италија соопшти дека сите досегашни фудбалери на Палермо се слободни и можат да го напуштат клубот кој во меѓувреме доби ново лого и нов газда Дарио Мири.
Претходно беше одбиена жалбата на клубот за останување во Серија Б, па логично беше и ослободување на играчите од договорите. Воедно и „Трансфермаркт“ објави дека Несторовски и Трајковски се моментно без клупски ангажман.
Секако многу е важно двајцата наши интернационалци да бидат во натпреварувачка форма, со оглед на тоа што новите репрезентативни обврски следуваат веќе во септември, односно квалификациските гостински мечечи за ЕП 2020.