Французинот Реми Луциди почина во четвртокот, откако паднал од врвот на станбениот облакодер во Хонг Конг, кулата Трегунтер, додека се обидувал да се фотографира.

Познат како „Реми енигма“ на социјалните мрежи, тој имал историја на качување на структури низ целиот свет, од згради, до кранови, мостови, столбови и предаватели.

На денот на несреќата, Луциди му кажал на обезбедувањето дека оди во посета на пријател на 40-тиот кат за да добие пристап до покривот на кулата на 68-от од каде паднал, пренесува „Дејл меил“.

Младиот авантурист го видела куќната помошничка како тропа на прозорците од пентхаусот за да се врати во зградата, но паднал пред да пристигне помошта.

Луциди паднал од зградата на патеката Трегунтер пред да пристигнат полицајците и бил прогласен за мртов на местото на настанот. Полицијата ја пронашла неговата спортска камера на која имало снимки како се качува по високи згради.

Инстаграмот на младиот Французин со денови е преплавен со коментари и изрази на сочувство. Каналот на Јутјуб на Реми Енигма повеќе не постои, а на Инстаграм го следеле нешто повеќе од четири илјади луѓе.

Неговиот профил е полн со слики од високи згради, а многу од фотографиите се застрашувачки.