По уривањето на мал авион на југозападот од Германија пронајдени се три тела на местото на несреќата, соопшти полицијата.

Станува збор за авион од компанијата Пајпер кој паднал во шумското подрачје близу местото Штајненброн, кратко по полетувањето од Меѓународниот аеродром во Штутгарт.

Во авионот се наоѓале три лица, кои патувале кон Магдебург во источна Германија.

Агенцијата ДПА повикувајќи се на полициски извори објави дека идентитетот на жртвите се уште не е утврден.

Од Агенцијата за контрола на авиосообраќајот во Германија наведуваат дека пилотот не упатил повик за помош пред авионот да исчезне од радарите. Остатоците од авионот се пронајдени 20 минути по полетувањето од Штутгарт.

Причината за падот на авионот засега не е познато, а пронајдена е црната кутија, објави АП.