Кога вакви ладни денови ни се „закануваат“ со можни настинки и прелади, најдобро е во секој миг од денот да имаме прирака од овој чај.

Чајот од ментол, или чајот од нане е најдобар сојузник во борбата против преладувањата, настинките, болките во стомак и менструалните тегоби. Освен во зима, тој во летниот период е освежителен кога се пие ладен, го зајакнува имунитетот и ја подобрува работата на желудникот и цревата.

Сетете се само како нашите баби во гравчето ставаат свежо нане – за полесно да ни биде варењето.
Освен чајот кој има благотворни ефекти, етеричното масло од нане, спрејот за нос од нане ефикасно спречуваат развој на штетни бактерии во носот и устата, но и во цревата.

За чајот да ви биде пријатен за пиење и да го избегнете горчливиот вкус, а да не ги изгубите неговите драгоцени својства, потребно е само да ги прелиете листовите нане со врела вода. Немојте да го вриете, оти така чајот губи од ефективоста.

Освен што ќе ви помогне во ублажување на секакви непогоди во зимскиот период, тој го намалува и апетитот и ви овозможува витка линија. Со самиот мирис, нането го стопира чувството на глад, покажуваат бројни истражувања. Затоа, на следната пауза или момент за себе – направете си го овој чај.