Синди Џексон е жената која заврши во Гинисовата книга на рекорди како личност со најмногу пластични операции во историјата. Денес има 66 години, а досега имала најмалку 5 пластични операции кои чинеле повеќе стотици илјади фунти!

На атрактивната русокоса очигледно веќе не и се допаѓа таа титула, бидејќи тоа беше пред неколку години, а за во иднина сака да ги крие естетските зафати на кои се подложува, бидејќи повеќе не сака да биде во книгата!

Имено, Синди тврди дека другите луѓе не гледаат благонаклонето на нејзиниот рекорд.

„Имав уште операции откако го поставив рекордот, подигнување на вратот, неколку преправки и десетина други процедури. Не можам да се сетам на се што сум направила, тоа е како да прашате некој да се сети на сите негови фризури во последните 30 години. Повеќе нема официјално да ги запишувам, преку глава ми е од коментари дека личам на Барбика“, изјави оваа Американка која живее и работи во Лондон.

Покрај сериозните корекции, таа се подложена и на низа неинвазивни третмани како трајна шминка и разни хемиски пилинзи.

Џексон исто така истакна дека цврсто верува дека ваквите корекции треба само да ја нагласат природната убавина, а не до непрепознатливост да го менуваат лицето и телото. Таа вели дека секоја операција што не изгледа природно е промашување!

Таа е толку страсна за оваа гранка на медицината што дури основала компанија која им помага на луѓето кои сакаат да се подложат на пластична операција, но со цел да постигнат природен изглед.

„Резултатите се подобри: свеж и природен изглед без очигледни знаци на операција“, вели Синди.

Инаку, Синди Џексон признала дека станала незадоволна од својот изглед поради исмејувањето на нејзините врсници. Таа го искористила наследството што го добила по смртта на нејзиниот татко за да ги финансира првите естетски процедури.

„Еден момче ми рече кога имав 14 години: ‘Знаеш, Синди, кога се насмевнуваш, од страна изгледа како носот и брадата речиси да ти се допираат. Тоа беше како да сум во погрешно тело и со погрешно лице и тоа силно го чувствував и сакав да го сменам. Денес се чувствувам млада по дух и не сакам да се погледнам во огледало и да видам старо лице. Изгледам како што треба да изгледам“, рекла своевремено Синди.