Тина Тарнер почина од природна смрт во својот дом во Швајцарија, објави „Дејли мејл“.

Легендарната пејачка почина на 83-годишна возраст во Швајцарија, по долго боледување. Познато е дека пејачката се бореше со рак на дебелото црево, а повеќе од четири децении боледуваше и од висок крвен притисок.

Нејзините портпароли потврдија за „Дејли мејл“ дека „кралицата на рокенролот“ починала од природна смрт. Тие вчера ја објавија тажната вест, потенцирајќи дека „со неа светот губи музичка легенда и идол“.

Неодамна беа објавени нејзините мемоари, во кои Тарнер призна дека размислувала за евтаназија во 2016 година, пред нејзиниот сопруг Ервин Бах да ѝ донира бубрег.

Пејачката откри и дека неконтролираниот висок крвен притисок ѝ го забрзал оштетувањето на бубрезите, па почнала да се помирува со идејата за смртта.

Нејзиниот сопруг ѝ донираше бубрег во 2017 година.

Повеќе текстови за Тина Тарнер:

Животот на Тина Тарнер воопшто не бил лесен: Во бракот трпела психичко и физичко насилство, па се обидела да се самоубие

Во чест на незаборавната Тина Тарнер – Десет хитови што сите ги сакаме

НАСА спектакуларно ја испрати Тина Тарнер меѓу ѕвездите

Последната објава на Тина Тарнер ги растажи сите: Се доведов во голема опасност…