Јованка Јанкоска Бобе, која стои зад блогот bobesbakery.mk, фејсбук и инстаграм-профилот, е вистински кулинарски креативец – нејзините рецепти се милина и за очите и за непцето.

Бобе денеска споделува рецепт за вистински освежителен пијалак: смути од јагоди.

– Кога денот бара свеж почеток или мало слатко бегство… време е за едно кремасто, миризливо смути од јагоди што ќе ти ја разбуди енергијата! Ова освежително смути од јагоди е идеален избор за лесен појадок или здрав десерт. Подготвено со едноставни состојки, нуди природна сладост, свежина и хранливи вредности кои му се потребни на организмот. Совршено е како брза енергетска напивка – порачува.

Состојки:

– 10-15 свежи јагоди
– 1,5 дл јогурт со мала масленост
– 1 дл млеко
– 1 лажица мед

Подготовка:

Јагодите измијте ги темелно и исчистете ги од дршките. Ставете ги во блендер, па додадете ги јогуртот, млекото и медот.

Блендирајте околу 30 секунди, сè додека не добиете хомогена смеса.

Смутито турете го во чаши и декорирајте со свежи јагоди. По желба, додадете пена од млеко или матена слатка павлака за побогат вкус и поубав изглед.

Лесно, хранливо и неверојатно вкусно – токму она што му треба на твојот ден!

На здравје!