Осум екипи во трка по трофејот на МЗТ Скопје
Екипите на Блокотехна и Охрид со натпреварот во 13 ч. го отвораат завршниот турнир од кошаркарскиот Куп на Македонија. Организатор на завршниот турнир кој се игра од денеска па се до недела е Гевгелија. Титулата ја брани екипата на МЗТ Скопје кој лани во финалето на турнирот кој се играше во Кавадарци, славеше со 76:67 над Работнички.
Токму МЗТ Скопје заедно со Работнички и Блокотехна се главните конкуренти за освојување на трофејот.
МТ Скопје во четвртфиналето ќе се сретне со Кожув кој минатиот месец изненадувачки ги довлада „металците“ во Скопје.
Работнички е фаворит во дуелот со Куманово, а актуелниот шампион ќе биде засилен и со Дариус Вашингтон кој пристигна во тимот од Градскиот парк во последниот ден од преодниот рок.
Блокотехна е голем фаворит во првиот денешен натпревар против Охрид, Гостивар и Фени Индустри ќе го дадат последниот пофиналист.
Двојки за четвртфинале:
13 ч. Блокотехна – Охрид
15.15 ч. Работнички – Куманово
17.30 ч. МЗТ Скопје – Кожув
20. Гостивар – Фени Индустри