ОСКАРИ 2020: Најпознатите глумци кои никогаш не добиле Оскар
„И Оскарот оди кај…“ е познатата фраза за која слушаме секоја година во овој период. Наградите на Академијата секогаш ги поттикнуваат луѓето да зборуваат, за добро или за лошо, особено за најградата за Најдобар глумец/глумица.
Честопати се случува, ако не и на секое издание, по Оскарите да се води дискусија за резултатот: секогаш има некои кои не се согласуваат со победата на некој глумец/глумица во категоријата Најдобар актер/ка.
Сепак, многумина се изненадени кога откриваат дека неколку филмски sвезди никогаш не добиле Оскар, и покрај – во некои случаи – повеќе номинации. Всушност, има неколку холивудски славни личности со голема харизма, кои сè уште чекаат да го слушнат нивното име изговорено на сцената на театарот „Долби“ во Лос Анџелес: за нив, добивањето такво признание би било, повеќе од сè, дополнително задоволство во нивната кариера .
Меѓу нив е и американскара глумица и пејачка Ејми Адамс (45), извонредна актерка која добила 6 номинации за Оскар, но ниту еден Оскар.
Џони Деп, вкупно има 3 номинации за Оскар за најдобар глумец, ама ништо од Оскарот.
Ви се верува ли дека фантастичната глумица Глен Клоуз не добила Оскар, а има 7 номинации.
Џим Кери освои две награди на Златен глобус, но нема ниедна номинација за Оксар.
Ричард Гир – со ниедна номинација и ниеден Оскар! Дури ни за филмот „Чикаго“, за кој освои Златен Глобус.
Мишел Фајфер со 3 номинации, но ниеден Оскар.
На листата на славни глумци кои никогаш не добиле Оскар се наоѓаат и Том Круз (со 3 номинации), Шерон Стоун (1 номинација), Џуд Лоу (2 номинации), Бредли Купер (4 номинации), Џон Траволта (2 номинации), Рајан Гослинг (2 номинации), Вил Смит (2 номинации)…
И Мерлин Монро никогаш не добила Оскар, а освоила Златен Глобус. Ни Миа Фароу не добила Оскар, ама не била ниеднаш ни номинирана.
Изгледа неверојатно, но и Харисон Форд никогаш не ја добил златната статуетка, а бил номиниран само еднаш!
Понатаму, слатката Мег Рајан никогаш не била ни номинирана за Оксар, Кевин Костнер добил Оскар за режисер и продуцент, ама ниеден Оскар за најдобар актер!
Хју Грант, исто така, никогаш не бил номиниран за Оскар. А Ума Турман, само еднаш номинирана за култниот филм „Ефтини приказни“, ама не го земала Оскарот.
Без Оскари останале и Хју Џекман (1 номинација), Мајкл Китон (1 номинација), Џон Малкович (1 номинација), Мишел Вилијамс, Силвестер Сталоне, Рита Хејворд, Бил Мареј и Ралф Фајнс. Неверојатно, нели?
