Турскиот претседател Реџеп Тајип Ердоган и унгарскиот премиер Виктор Орбан се сретнаа денеска во главниот град Будимпешта, јавува Анадолија.

За време на средбата зад затворени врати, Ердоган и Орбан разговарале за сите аспекти на билатералните односи, како и за регионални и меѓународни прашања.

Подоцна денеска, Ердоган ќе присуствува на Светското првенство во атлетика, како и на церемонијата за одбележување на основањето на Унгарија.

За време на еднодневната посета се очекува Ердоган да разговара и со други колеги, меѓу кои и со српскиот претседател Александар Вучиќ.

Односите меѓу Турција и Унгарија беа подигнати на ниво на стратешко партнерство во 2013 година по формирањето на Советот за стратешка соработка на високо ниво. Пријателските врски во последниве години добија замав на сите полиња, наведува турската агенција Анадолија.

Овој декември двете земји треба да ја прослават 100-годишнината од воспоставувањето на дипломатските односи.