Eкипата на Астон Вила објави дека постигнала договор со Лестер за доведување на играчот за врска Јури Тилеманс.

Белгискиот 26-годишен фудбалер ќе се пресели во Астон од 1. јули како слободен играч по истекот на договорот со Лестер. Лестер сезонава испадна од Премиер лигата, па се очекуваше заминување на Белгиецот.

Во дресот на Лестер, Тилеманс одигрља 195 натпревари и постигна 28 голови. Астон Вила сезонава заврши на седмото место во Премиер лигата и се избори за учество во Конференциската лига.

Тилемас во Лестер пристигна во 2019 година од Монако за сума од 30 милиони евра, се поврзуваше и со поголеми тимови пред се Милан и Рома, но на крајот се одлучи да остане во Англија.

Aston Villa is delighted to announce that the club has reached an agreement to sign Youri Tielemans.

— Aston Villa (@AVFCOfficial) June 10, 2023