Официјално: Славен Билиќ се врати во Саудиска Арабија
Во Саудиска Арабија наредната сезона ќе работи и хрватскиот стратег, Славен Билиќ кој прифати да седне на клупата на Ал Фатех.
Последниот тренерски ангажман на Билиќ беше во англиски Вотфорд, а откако доби отказ беше во потрага по нов клуб. На крајот, Билиќ се врати во Саудиска Арабија каде што претходно го водеше Ал Итихад.
Ал Фатех во изминатата сезона заврши на шестата позиција, а летово засега за разлика од неколку други фудбалски клубови, не донесе поголемо фудбалско име.
„Добредојде во оазата на палмите, заедно одиме да испишиме историја“, објавија саудискиот клуб на социјалните мрежи.
Embrace the splendor of Palm Oasis 🌴
Together, let us forge a legacy of greatness 🤩 pic.twitter.com/vNggzMRdT2— AlFateh Saudi club (@EnFatehclub) July 8, 2023