Официјално: Џеси Марш повеќе не е менаџер на Лидс
Американецот Џеси Марш повеќе не е менаџер на Лидс. По вчерашниот пораз од Нотингем форест (0:1), тимот се најде во зоната за испаѓање од Премиер лигата.
По успешната работа во Ред Бул Салцбург и помалку успешната работа во Лајпциг во февруари 2022 година, Марш го наследи славниот Марсел Биелса на кормилото на Лидс и успеа да остане во Премиер лигата.
Последната победа во Премиер лигата тимот ја постигна на 5 ноември против Бурнмаут (4:3), а оттогаш е во серија од седум меча без победа. Само три бода со четири порази.
– Сакаме да го пофалиме Џеси и неговите соработници за нивната работа и да им посакаме сè најдобро во иднина. Процесот на наоѓање нов менаџер е во тек – соопштија од Лидс.
Лидс в среда се соочува со Манчестер јунајтед на „Олд Трафорд“, а потоа во недела на „Еланд Роуд“ ги пречекува истите ривали. По 21 одигран натпревар во Премиер лигата, Лидс е на 17 место на табелата со 18 бодови, исто колку и Евертон.