Одбраната на обвинетите во случајот Онкологија за несовесно лекување на пациентите ги спори вештачењата од странство од Словенија и Србија, особено вештачењето од Словенија.

Поранешниот директор на Клиниката за онкологија, Нино Васев и лекарите онколози, Симонида Црвенкова и Драган Јакимовсли седнаа на обвинителна клупа, додека обвинетата Мери Пешевска поради влошена здравствена состојба не дојде на рочиштето.

Одбраната на обвинетите бара издвојување на доказите, односно на вештачењето од Словенија бидејќи вештото лице не било лиценцирано.

За Васев имало оценка на Обвинителниот акт, додека пак за остантите имало Обвинителен предлог кој не бил оценуван.

Обвинителката Ана Гоговска пак кажа дека приговорите се неприфатливи бидејќи имало веќе оценка на Обвинителниот акт и дека таа не може да навлегува во правните прописи на странски држави.

За неа е симптоматично тоа што не се спори вештачењето, туку процедурата.

Сите обвинети ги побараа историите на пациентите кои ги лечеле, а судењето е одложено.