Денеска А репрезентацијата на Македонија со почеток од 18.00 часот на Националната арена „Тодор Проески“ – Скопје ќе го одигра првиот од двата пријателски натпревари како подготовка пред настапот на Европското првенство.

Избраниците на селекторот Игор Ангеловски ќе тестираат против Словенија која ни е доста добро позната со кого игравме во квалификациите за ЕП.

Нашата селекција се надева и очекува да дојдат навивачи во што поголем број, да навиваат за фудбалерите бидејќи тие тоа го имаат заслужено.

Во досегашните шест меѓусебни средби Македонија има четири победи, едно реми и еден пораз.

На сите домашни средби триумфирале „црвено-жолтите“, токму во пријателски дуели, со 2:0 и 3:2, како и во претходните евроквалификации на 10 октомври 2019 година со 2:1.

Поради пандемијата на коронавирусот досега не им беше дозволено на навивачите да присуствуваат на трибините. Но, еве по повеќе од една година националната селекција повторно ќе игра натпревар со присуство на публика.

Ристовски: Натпреварот со Словенија е одлична можност за проверка на формата пред ЕП