Македонскиот женски одбојкарски клуб Работнички загуби и на реваншот од квалификациите за пласман во Лигата на шампионите против Волунтари од Романија.

Волунтари триумфираше со 3:0 во сетови 25:11, 25:16 и 25:15.

Најефикасни во редовите на Работнички со по шест поени беа Баталаковска и Ѓурѓевиќ, по четири имаа Николова, Павлоска и Милевска.

И на првиот меч противникот славеше убедливо со ист резултат 3:0 во сетови 25:14, 25:13 и 25:12.

Одбојкарките на Работнички ќе го продолжат меѓународниот настап оваа сезона во ЦЕВ купот.