Од крајот на март грчките родилки ќе аплицираат за породилен надомест
Кон крајот на март се очекува да се активира платформата за исплата на породилен додаток на самовработените жени во Грција. Осигурениците ќе добиваат минимална плата за девет месеци (780 евра денес), односно вкупно 7.020 евра надополнување на износот што го добиваат за време на бременоста и после породувањето.
„Кон крајот на месецот ја отвораме платформата за породилниот додаток што самовработените жени, како и жените од руралните средини сега ќе го добиваат за период од девет месеци“, рече министерката за труд Домна Михаилиду, пренесува То Вима. За да го добијат надоместокот, мајките кои ги исполнуваат условите мора да бидат осигурани, односно да немаат долгови кон електронската Национална институција за социјално осигурување (е ЕФКА). Доколку е така, тие ќе бидат исклучени од добивањето на бенефицијата и ќе можат да ја добијат само доколку го исплатат целиот долг. Од мајките ќе се бара да аплицираат дигитално за да добијат – 9 месеци по раѓањето на нивното дете – додаток кој одговара на минималната плата, исто како мајките во платен работен однос.
Всушност, додатокот ќе важи ретроактивно. Со други зборови, ќе важи и за мајките кои го родиле своето дете до 14 недели пред крајот на 2023 година и поконкретно од 24 септември 2023 година наваму. Затоа, мајките кои се породиле во септември ќе добијат на крајот на февруари или почетокот на март, ретроактивно, за период од 5 месеци, 3.900 евра, додека до јуни ќе добијат вкупно 7.020 евра. За 9 месеци ќе добиваат 780 евра, што одговара на надоместокот што го добиваат вработените.