Маж од Атланта е уапсен заради убиство на 16-годишниот посинок, откако избила расправија кога тинејџерот решил да излезе надвор иако имало забрана за движење заради коронавирусот, пренесува Дејли мејл.

Инцидентот се случил во средата навечер, кога Деонте Робертс се расправал со мајката и очувот Берни Харгров бидејќи сакал да излезе од куќата.

Мајката на детето рекла на полицијата како таа и нејзиниот сопруг сакале детето да остане дома, но тоа не ги послушало и излегло.

– Подоцна жртвата се вратила дома и дошло до тепачка меѓу осомничениот и тинејџерот. За време на тепачката жртвата била застрелана, соопштиле од полицијата.

Робертс бил застрелан во градите и бил одведен во болница, каде подоцна подлегнал на повредите.

Неговиот очув набргу бил уапсен и обвинет за убиство.