Министерството за внатрешни работи на Србија објави видео од апсењето на осомничените за убиството на Ранко Радошевиќ (54), попознат по прекарот „Ескобар“.

Уапсени се Лука В. (27) и Стефан З. Полицијата во станот пронашла и оружје за кое се претпоставува дека е оружјето со кое е убиен Радошевиќ.

Малолетно девојче е трето уапсено лице во станбениот блок во Нов Белград каде беа уапсени осомничените за убиството на Ранко Радошевиќ Ескобар, пишуваат српските медиуми.

Таа е уапсена поради соучесништво.

Радошевиќ беше убиен во кафуле на бензинска пумпа во приградската населба Рушањ.

Тој беше убиен пред 20-тина сведоци, а според првичните информации, убијците испукале пет куршуми погодувајќи го во телото, а потоа уште два куршуми во главата.

ВИДЕО: Додека пиел кафе на бензинска во Белград, смртно застрелан „Ранко Ескобар“