Министерството за правда на САД во петокот објави нов обемен пакет документи од истрагите поврзани со починатиот финансиер и осуден сексуален престапник Џефри Епстин, откако попушти под притисокот од пратениците кои ја издејствуваа нивната објава преку нов закон, објави „Ројтерс“.

Објавувањето следи по неколкумесечни политички судири и бунт од дел од најлојалните поддржувачи на претседателот Доналд Трамп, незадоволни од одбивањето на неговата администрација јавно да ги обелодени сите досиеја поврзани со истрагите за Епстин.

ФОТО | Нови скандалозни фотографии од Џефри Епстин: Објавена е и понудата за „продажба“ на девојка

Ројтерс во моментов ги прегледува најновите документи.

Министерството за правда додаде забелешка на веб-страницата, каде што се објавени линковите до документите, во која наведува дека „се преземени сите разумни напори“ за да се заштитат личните податоци на жртвите, но предупреди дека е можно некои информации ненамерно да бидат откриени.

Веб-страницата на агенцијата очигледно се соочи со проблеми поради големата посетеност, при што на дел од корисниците им било соопштено дека нивните обиди да пристапат до материјалите биле одбиени.

Објавени 95.000 фотографии од имотот на Епстин – меѓу нив и слика од кондоми со ликот на Трамп, на кои пишува „Јас сум голем!“