Обезбедени 20 милиони евра за кредитирање на локални бизниси погодени од коронакризата
Шефот на Канцеларијата на ЕБРД во земјава Анди Аранитаси, истакна дека е горд за потпишувањето на договорот со Шпаркасе банка.
Европската банка за обнова и развој и обезбеди 20 милиони евра заем на Шпаркасе банка Македонија за кредити за локални приватни бизниси и корпорации засегнати од економската криза поради пандемијата од коронавирусот.
– Новото финансирање е витално за да ја ублажи сегашната ситуација и преку Шпаркасе банка Македонија ЕБРД ќе може да помогне на компаниите на кои им е потребна поддршка, се вели во соопштението на Европската банка.
Шефот на Канцеларијата на ЕБРД во земјава Анди Аранитаси, истакна дека е горд за потпишувањето на договорот со Шпаркасе банка.
-Обврска на банката е да му служи на приватниот сектор. Обезбедувајќи финансиска помош и ликвидност на бизнисите во овие тешки времиња е од суштинско значење за поддршка на целата економија во земјата, вели Аранитаси.