Уште едно предвреме родено бебе на Клиниката за гинекологија и акушерство си замина дома во прегратките на своите родители. Во прегратките на своите родители, во стабилна состојба и со телесна тежина од 2320 грама дома си замина малата Мила Атанасова. Таа помина 48 дена на одделението за интензивна нега и терапија каде заедно со докторите и со сестрите ги надмина сите препреки.

Како здраво бебе, на наша огромна радост, ја испративме од Клиниката за гинекологија. Мила е родена во 27 гестациска недела, со тежина од само 1260 грама. И посакуваме да биде иста како што е и значењето на нејзиното име и да се бори низ животот со истиот жар што го покажа уште од првиот миг од своето раѓање, во текот на овој еден и пол месец поминат на одделението за интензивна нега. На мама и тато да им носи само убави моменти и радости, велат од ГАК.