Нови нереди во САД по ранувањето на црнец од страна на полицијата (ВИДЕО+ФОТО)

epa08626054 Protestors burn a small American flag during a third night of unrest in the wake of the shooting of Jacob Blake by police officers, in Kenosha, Wisconsin, USA, 25 August 2020. According to media reports Jacob Blake, a black man, was shot by a Kenosha police officer or officers responding to a domestic distubance call on 23 August, setting off protests and unrest. Blake was taken by air ambulance to a Milwaukee, Wisconsin hospital and protests started after a video of the incident was posted on social media. EPA-EFE/TANNEN MAURY

Полицијата не објасни зошто отворила оган на 29-годишникот. Канцеларијата за правосудство на сојузната држава Висконсин покрена истрага, но не се објавени детали.

Афроамериканецот Џејкоб Блејк на кого полицијата во неделата му пукаше во грбот во градот Кеноша во американската сојузна држава Висконзин е парализиран и „се бори за живот“, рекоа членовите на неговото семејство и адвокатите.

Полицијата во неделата го следеше Блејк со вперен пиштол по што еден од полицајците отвори оган ранувајќи го во грбот додека се враќал во својот автомобил.

Сведоци на ранувањето на Блејк се неговите тројца синови, на возраст од три, пет и осум години, вели адвокатот Бен Круп која го застапува семејството на Блејк.

Пукањето го снимил минувач, а снимката набрзо се прошири на социјалните мрежи, покренувајќи го бесот на граѓаните поради новиот во низата случаи во кои полицијата се обвинува за расистичко мотивирано насиство кон Афроамериканците.

Трет ден протести во Кеноша, по ранувањето на Џејкоб Блејк/25 август 2020/ Фото: EPA-EFE/TANNEN MAURY

Блејк се обидел да ја прекине кавгата меѓу двете жени, а полицаецот во него испукал четири до седум куршуми, иако немало знаци дека е вооружен, рече адвокатот на семејството во разговор за ЕјБиСи.

Полицијата не објасни зошто отворила оган на 29-годишникот. Канцеларијата за правосудство на сојузната држава Висконсин покрена истрага, но не се објавени детали.

Демонстрантите се обидоа да ја урнат оградата и да влезат во судот во Кеноша/25 август 2020/ Фото: EPA-EFE/TANNEN MAURY

Ранувањето предизвика протести во Кеноша, а гувернерот на Висконсин објави вонредна состојба, велејќи дека ќе ги мобилизира припадниците на Националната гарда.

Родителите на Блејк на прес конференцијата изразија тага поради ранувањето на синот. „Ранет е седум пати. Седум! Како неговиот живот да не вреди ни цент“, рече таткото на Блејк пред новинарите, со глас преплавен од емоции.

Адвокатите на семејството Блејк наведуваат дека куршумите му смачкале дел од карлицата и предизвикале парализа од половината надолу.

„Нема правда, нема мир“ извикуваат демонстрантите во Кеноша/ 25 август 2020/ Фото: EPA-EFE/TANNEN MAURY

„Ќе биде чудо ако Џејкоб Блејк некогаш повторно почне да оди“, рече адвокатот Бен Круп.

Демонстрант протестира пред полициско возило во Кеноша/25 август 2020/ Фото: EPA-EFE/TANNEN MAURY

Нередите во понеделникот вечер избувнаа и во другите делови од САД, вклучувајќи ги Портланд, Орегон, Сиетл, Медисон, Висконсин и Минеаполис, наведува Ројтерс.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот