Марко Рајковиќ е најновото засилување за Академија Пандев, напаѓачот кој лани настапуваше за екипата на Силекс, денеска потпиша професионален договор и ќе ги брани боите на струмичкиот прволигаш.

Клубот му посакува успешна сезона и многу постигнати голови. Како што најавуваат од Академија Пандев, во наредните денови се очекуваат уште неколку засилувања за новата сезона.

Потсетување дека во тимот се врати Диме Димов, голманот Душан Чубраковиќ го продолжи договорот на уште една година, се вратија позајмените Кристијан Велиновски и Емир Скендери, а како прво засилување беше промовиран Ѓорѓи Танушев.

„Пандевци“ во дебитантскиот меѓународен настап не се прославија, односно со два порази беа елиминирани од босанскиот претставник Зрињски Мостар.

Претходно во контролните средби загубија од Монтана (2:3), Теута Драч (1:4) и Славија Софија (2:3), нерешено со романскиот Клинчени (1:1), триумфираа над Берое (2:0) и Локомотив Пловдив (1:0).