Номинираните за „Греми“ ќе добијат подароци во вредност од 60.000 долари
Греми е признание кое го доделува Националната академија за запис на звукот и уметностите на Соединетите Американски Држави со цел да се признаат изворедните достигнувања во музичката индустрија.
Утревечер во Лос Анџелес ќе се одржи еден од најпрестижните настани во музичката индустрија, наградите „Греми“, а номинираните ќе понесат дома вреќичка со подароци вредна 60.000 долари, дознава „Page six“.
Наводно, еден од најскапите подароци е ваучер за третман липосукција вреден 18.000 долари. Се подаруваат и други козметички третмани во вредност до 10.000 долари, а и сет накит од злато и кристал во вредност од околу 2.000 долари.
Oвогодинешните номинирани за музичката награда ќе добијат очила за сонце специјално дизајнирани за таа пригода и комплет производи за убавина во вредност од 515 долари. Ќе има и роботски чистач на базени вреден 400 долари.
Вреќичките со подароци, наводно, ќе содржат повеќе од 50 предмети, а таблоидите пренесуваат дека номинираниte за „Греми“, водителите, и изведувачите ќе добијат подароци. Така, Хари Стајлс, Шања Твен и Бед Бони се само некои од имињата кои вечерва ќе однесат дома подароци од 60.000 долари.
Во пресрет на свечената церемонија, американските шоу-биз медиуми се фокусираа на луксузните подароци, на нивните насловни страници речиси и да немаше фотографии од номинираните.
За потсетување, поп иконата Бијонсе доби најмногу номинации оваа година, вкупно девет, што ја изедначи со нејзиниот сопруг, раперот Џеј Зи и најноминираните уметници на сите времиња.
Бијонсе и Џеј Зи имаат комбинирани 88 номинации за музички награди со гласање од колегите. Џеј Зи оваа година доби пет номинации за неговиот придонес за песната „Renaissance“ на Бијонсе и „God Did “на диџеј Калед.
Бијонсе ги маѓепса обожавателите: Полугола за омотот на нејзиниот нов албум