Надал со победата над големиот ривал дојде до десеттата титула на Мастерсот во Рим, а мечот траеше речиси три часа.
Во 57. меѓусебна пресметка, Ѓоковиќ прв дојде до брејк во првиот сет, но Надал веднаш прави рибрејк и потоа во финишот да ги искористи грешките на српскиот тенисер за втор брејк кој воедно му донесе и водство од 1:0 во сетови.

Одговорот на Ѓоковиќ беше брутален, направи два брејка во вториот сет кој го освои со убедливи 6:1.
Во третиот сет, повторно Ѓоковиќ имаше можност прв да дојде до брејк, но не ги искористи двете шанси и се чини дека тоа на Надал му даде дополнителен  поттик и му ја зголеми желбата за победа.  Шпанецот освои неколку одлични поени и потоа во шестиот гем со нула направи брејк кој го потврди со одличен сервис и дојде до победата која значеше триумф во Рим.
Ова беше 89. титула за Надал во кариерата, додека Ѓоковиќ остана на 83, но има предност во меѓусебните дуели, води со 29:28 во победи.