Скандал што го тресе африканскиот, но и светскиот фудбал, добива ново продолжение и тоа на европска сцена.

Откако Африканска фудбалска конфедерација му ја одзеде титулата на Сенегал и ја додели на Мароко, следуваа бурни реакции од сенегалската јавност и фудбалерите. Сега се најавуваат и конкретни правни чекори.

Според информациите на инсајдерот Фабрис Хокинс, Фудбалскиот сојуз на Сенегал сериозно размислува да ја оспори одлуката пред Судот за спортска арбитража во Лозана.

Со ваквиот потег, Сенегалците сакаат да ја поништат одлуката на Африканската фудбалска конфедерација, со која беа строго казнети откако нивните фудбалери демонстративно го напуштија теренот за време на финалето на Африканскиот куп на нации, па потоа се вратија и славеа преку продолженијата.

🚨Le Sénégal ne veut pas en rester là et va sans doute saisir le TAS.

💣La CAF anonce ce soir la victoire du Maroc lors de la CAN 2025. Le Sénégal, sanctionné pour avoir quitté le terrain. pic.twitter.com/SBnbRiIWrd

— Fabrice Hawkins (@FabriceHawkins) March 17, 2026

Судот за спортска арбитража се очекува да го разгледа целиот дисциплински процес, од текот на натпреварот, преку околностите на инцидентот, па сè до примената на натпреварувачките правила, по што ќе донесе конечна одлука. Овој суд важи за највисока и последна инстанца кога станува збор за спорови во меѓународниот фудбал.

Од сенегалската страна тврдат дека натпреварот не бил ниту прекинат, ниту официјално завршен во моментот кога играчите го напуштиле теренот, па оттаму не може да се смета дека го предале мечот. Како аргумент го наведуваат и тоа што фудбалерите подоцна се вратиле на теренот и ја продолжиле играта.

На Сенегал му ја одзедоа титулата – Мароко е шампион на Африка