Николов ќе го напушти романскиот вицешампион ФЦСБ
Македонскиот репрезентативец Бобан Николов (28) летово ќе го напушти романскиот вицешампион ФЦСБ, пренесуваат тамошните медиуми.
Сезонава во романскиот шампионат нашиот 28-годишен играч од средниот запиша 11 настапи, или севкупно 301 минута на терените во 13 настапи за „црвено-сините“.
Важечкиот договор му истекува на 30 јуни, но фудбалерот се договори со сопственикот на клубот, Џиџи Бекали, за прекин на соработката.
Како што и самиот Николов изјави, имаше понуди од Кина, но неговата желба е да остане во Европа.
Во својата клупска кариера беше дел и од Шериф, Лече, Фехервар, Вардар и Вииторул.