Фудбалерите на ПСЖ успеаја да ја одбранат и својата европска титула откако го победија Арсенал во финалето во Будимпешта, по подобро изведување на пенали.

Незаборавна сезона, би рекле некои, но ова се две години што Луис Енрике во својата тренерска кариера никогаш нема да ги заборави.

Од почетокот на минатата сезона, Енрике лани ги освои Суперкупот на Франција, Купот на Франција, Лига 1, Лигата на шампионите, Суперкупот на Европа и Интерконтиненталниот куп.

Оваа година повторно ја освои Лига 1 и сега остана на тронот во Лигата на шампионите со париските „светци“.

– Знаевме пред натпреварот колку е тешко да се игра против Арсенал. За клубот и градот, ова е неверојатна победа и мислам дека ја заслуживме врз основа на целата сезона. Финалето беше вистинска битка – беа зборовите на шпанскиот стратег по финалето во Будимпешта.

🏆🏆#UCLfinal pic.twitter.com/cRg3pHOhFp

— Paris Saint-Germain (@PSG_English) May 30, 2026