Светот на хит серијата „Емили во Париз“ повторно се шири, со две сосема нови локации за својата шеста сезона. Кога ќе започне продукцијата на новите епизоди во мај, глумците и екипата ќе патуваат во Грција и Монако, потврди Нетфликс.

Веста за новите локации доаѓа три месеци откако стриминг услугата потврди дека е во тек снимањето на нова сезона, охрабрена од успехот на петтата. Петтата сезона од 10 епизоди беше објавена во декември 2025 година и собра 26,8 милиони прегледи ширум светот за само 11 дена. Влезе во Топ 10 во 91 земја и се искачи на врвот на топ листите во 24 од нив, вклучувајќи ја и Франција.

Серијата ја следи младата Американка по име Емили Купер (Лили Колинс), која е ангажирана од париска маркетинг фирма за да им даде американска перспектива.

Додека деталите за заплетот за новата сезона сè уште се во тајност, изборот на локации ни дава навестување за тоа што би можело да се случува. Во финалето од петтата сезона, гледачите го видоа повремениот партнер на Емили, Габриел (Лукас Браво), како ѝ испраќа разгледница со која ја поканува на одмор во Грција.

Грција и Монако се приклучуваат на импресивната листа на гламурозни дестинации во кои серијата досега снимаше, вклучувајќи ги Рим, Венеција, Сен Тропе и Межев.

За потсетување, петтата сезона заврши со одлуката на Емили дали да се релаксира во Рим со своето италијанско момче или да се врати во животот во Париз.

Покрај Колинс, Лукас Браво и Ешли Парк, во екипата се и Филипин Лерој-Болје, Семјуел Арнолд, Бруно Гуери, Вилијам Абади и Лусиен Лависконт.

Познати повеќе детали за трагичната смрт на снимањето на серијата „Емили во Париз“