Кумановец со „Пасат“ удрил во двајца малолетни велосипедисти додека тие се подготвувале за денешната велосипедска трка која се одржува во рамките на Европските младински олимписки игри (ЕМОФ), информираше денеска СВР Куманово.

Во незгодата со телесни повреди се здобиле двајцата велосипедисти, констатирани во општата болница Куманово.

– Вчера во 12: 09 часот во СВР Куманово било пријавено дека на регионалниот пат Куманово-Свети Николе, во атарот на селото Зубовце, патничко возило „фолксваген пасат“ со кумановски регистарски ознаки, управувано од Н.Б.(42) од Куманово, удрило во двајца малолетни велосипедисти од Исланд, кои се учесници на Младинскиот европски олимписки фестивал кој се одржува во земјава и кои се подготвувале за денешната велосипедска трка – соопшти полицијата.

Увид извршила екипа од СВР Куманово.