Во Трибуњ нема резервации на плажа. Градоначалникот Марко Грубелиќ организираше акција за отстранување на пешкири и други работи кои туристите  ги користат за да си резервираат место на плажата.

„Ви враќаме крпи, черги, лежалки и столчиња на склопување. Само мал детал. Враќаме, во замена за лични податоци, со цел да испратиме уплатница на адреса за неовластено користење на приморскиот имот. Од 11:00 часот од до 13 часот, обратете се во одделението за комунална безбедност“, напиша градоначалникот на својот официјален Фејсбук профил.

Инаку, ова не е прв пат да се отстрануваат „резервации“ од плажата во Трибуњ, тоа е пракса на тоа место со години.

„На сите плажи има повеќејазични табли кои ги предупредуваат капачите дека ваквото однесување не е дозволено. Ова е прекршување на комуналниот ред на општина Трибуњ и казните одат и до 260 евра. Ние го применуваме Комуналниот ред и нашите спасувачи редовно собираат реквизити оставени на плажата со намера да „резервираат“ простор, изјави Грубелиќ за порталот Шибеник.

Инаку, претходните години оние пешкири по кои никој не доаѓаше да ги собере беа донирани во прифатилиште за животни.