Јавното сообраќајно претпријатие (ЈСП) – Скопје реагира во врска со објавите кои денеска се појавија во некои медиуми, а во кои лажно се тврди дека имало инцидент на жичницата на Водно и дека биле „спасени“ тројца возрасни луѓе и дете. Според ЈСП, таков настан воопшто не е евидентиран.

„Во врска со бројните медиумски објави за наводен настан во кој биле „спасени“ тригодишно дете и тројца возрасни, наводно заглавени на жичницата на Водно, Јавното сообраќајно претпријатие Скопје Ве информира дека на денешен ден не е евидентиран таков настан, ниту настан од сличен карактер. Категорично укажуваме дека содржината е објавена без соодветна проверка и ги доведува граѓаните во заблуда“, велат од ЈСП.