Нападите и критиките кон Новак Ѓоковиќ доаѓаат од сите страни, и од медиумите но и од неговите колеги, тие се шокирани од сцените од турнирите во Белград и Загреб кои се играа пред публика.
Објавата на Димитров дека е позитивен на коронавирус покрена лавина реакции.

– Тоа беше хорор-шоу. Видов огромна неодговорност и незрелост. Дури и да се наоѓаш на Северниот пол, немој да одиш на забави и потоа да објавуваш на Инстаграм. Беа толку неодговорни за што не можам да ги пронајдам вистинските зборови – изјави бразилскиот тенисер Бруно Соареш за „ГлобоЕспорте“.

Зборови не бираше ниту британскиот тенисер Даниел Еванс.
– Не верувам дека забавата беше неопходна, на неа видовме дека сите стоеја еден до друг, а сега имаме двајца позитивни на корона. Ѓоковиќ треба да чувствува одговорност поради тоа како се се заврши. Ова е лош пример дури и доколку правилата во некоја земја тоа го дозволуваат. Но, пандемијата не е шега, тие целосно ги занемарија безбесносните протоколи – вели Еванс.

Критички настроен беше и пријателот на Ѓоковиќ, Енди Мареј.
– Доколку сите мора да бидат затворени во „балон“, која ќе биде казната за тие што ќе ги прекршат правилата и ќе излезат од него. Замислете ја оваа ситуација, во последните денови од УС Опен некој кој се пласирал во завршницата да ги прекрши правилата. Тој отишил да се прошета на Менхентн и потоа добија вирус поради кој не може да игра во четвртфинале или полуфинале. Тоа би било неверојатно фрустрирачки. Како точно мислите дека можете да се забавувате и да го контролирате сите мерки на безбеност. Не сум сигурен дека тоа е возможно – смета Мареј.