Седумкратниот светски шампион Лис Хамилтон на трката за Големата награда за Австралија изминатиот викенд дебитираше во болидот на Ферари, но не се прослави.

Имено, Британецот го има второто најлошо деби во италијанскиот тим во 21. век. Полош од Хамилтон бил само Лука Бадоер кој на дебито во 2009 година го освои 17-тото место.

За разлика од Хамилтон и Бадоер во овој век Кими Раиконен во 2007 и Фернандо Алонсо во 2010 година дебитираа со победи, додека Рубенс Баричело во 2000 и Себастијан Фетел во 2015 успеаа да стигнат до подиумот.